近期疫情放緩,加上嚟緊聖誕、新年,各大品牌陸續為產品進行推廣,繼酒界勞斯萊斯(Macallan)之後,又到Singleton 做Event,個人感覺Singleton Event 比之前其他品牌Event場地更大,開幕邀請了鄭中基、森美、強尼,做開幕主持嘉賓,分享佢哋對威士紀嘅心得。誠意十足。

 

事不宜遲,由K小編帶大家感受一下Singleton 嘅旅程,首先係門口做個簡單門票確定,之後入去第一時間見到好多真嘅麥芽,大家可以親身感受一下大麥嘅感覺。之後到睇片答問題環節,答啱問題,進入第二間房。

 

 

第二間房主要介紹威士忌蒸餾過程,房間設計以紅色為主,溫度明顯較高,象徵蒸餾器室。Singleton 通過78.3度,兩次蒸餾製作出醇厚威士忌。之後答對第二條問題,房門又自動打開,小編又進入第三個房間。
 

 

第三個房間一入去就聞到一陣陣嘅木桶香味。品牌大使介紹酒液經過木桶陳年顏色嘅轉變
。Singleton透過特別調製嘅波本桶和雪梨桶酒鼻子👃,令參加者感受到波本桶和雪梨桶香氣的分別。最後講幾多都係要飲番杯🤣,親身感受一下Singleton 嘅美妙🤩⋯⋯
 

 
 
{如果想大家想知道更多最新酒類資訊,請like我哋Facebook同Instagram ,K小編會盡力為大家帶嚟更多酒類訊息}